2022-yilning 12-14-dekabr kunlari Tashqi ishlar vaziri Vladimir Norov boshchiligidagi Oʻzbekiston Respublikasi delegatsiyasi Amerika Qoʻshma Shtatlariga tashrif buyuradi.

Vazirlik axborotiga koʻra, Vashington shahrida delegatsiya Oʻzbekiston va AQSH oʻrtasidagi strategik sheriklik muloqotining ikkinchi yigʻilishida ishtirok etadi.

Tashrif doirasida Vladimir Norov AQSH Davlat kotibi Entoni Blinken hamda AQShning boshqa rasmiylari bilan muzokaralar oʻtkazishi maʼlum qilingan.