Moliya vazirligi ijtimoiy tarmoqlarda hukumat nomidan turli toʻlovlar va nafaqalar ajratilganligi haqidagi yolgʻon maʼlumotlar tarqalayotgani yuzasidan aholini ogohlantirdi.

“Sizga shuni maʼlum qilamizki, Moliya vazirligining barcha rasmiy kanallari rasmiy tekshirilganlik belgiga ega va Siz rasmiy manbalar orqali yangiliklarni kuzatib, ishonchli maʼlumotlarni olishingiz mumkin.

Shuningdek, sizni qiziqtirgan barcha qoʻshimcha savollarga 11-40 raqami orqali aniqlik kiritishingiz mumkin.

Hurmatli fuqarolar, iltimos, yolgʻon maʼlumotlarga ishonmang”, — deyiladi xabarda.