Oʻzbekiston va Eron oʻrtasida “Qeshm Air” aviakompaniyasining toʻgʻridan-toʻgʻri havo qatnovlari yoʻlga qoʻyiladi. Bu haqda “Dunyo” axborot agentligi xabar berdi.

Qayd etilishicha, Oʻzbekistonning Erondagi elchixonasida mamlakat konstitutsiyasi qabul qilingani 30 yilligi arafasida ikki davlat oʻrtasida oʻzaro havo qatnovlari yoʻlga qoʻyilganiga bagʻishlangan tadbir boʻlib oʻtgan.

Unda joriy yilning 22-dekabridan boshlab “Qeshm Air” aviakompaniyasi Tehron-Toshkent va Tehron-Samarqand yoʻnalishlari boʻylab toʻgʻridan-toʻgʻri aviaqatnovlarni amalga oshirishi maʼlum qilingan.