Xalq deputatlari Samarqand viloyati Kengashining navbatdagi sessiyasida viloyatning 12 ta koʼcha va yoʼlida transport tezligini 70 dan 60 km/soatgacha cheklash taklifi maʼqullandi. Bu haqda Oʼzbekiston Milliy axborot agentligi xabar berdi.

Viloyat hududidan oʼtuvchi avtomobil yoʼllari va koʼchalarida harakat xavfsizligini taʼminlash maqsadida quyidagi uchastkalarda tezlikni 60 km/soatgacha kamaytirish tasdiqlangan:

— Samarqand shahridagi M-37a Samarqand halqa yoʼlining 40-43 kilometrlari oraligʼida;

— Afrosiyob, Dahbed va Gagarin koʼchalarida;

— Kattaqoʼrgʼon shahridagi Amir Temur, Samarqand, U.Barnoyev koʼchalarida;

— Urgut tumanidagi 4R-47 avtomobil yoʼlining 57-64 kilometrlari oraligʼida;

— 4R-50 “Tayloq-Urgut” avtomobil yoʼlining 22-24 kilometrlari oraligʼida;

— 4K-522 “Urgut-Pochvon-Ustaxona” avtomobil yoʼlining 0-2 kilometrlari oraligʼida;

— Bulungʼur tumanidagi 4R-47 "Bulungʼur-Urgut M39»avtomobil yoʼlining 0-5 kilometrlari oraligʼida;

— Tayloq tumanidagi A-377 “Samarqand-Ayniy” avtomobil yoʼlining 2-9 kilometrlari oraligʼida.

Deputatlar tasdiqlagan mazkur taklif Yoʼl harakati xavfsizligini taʼminlash sohasidagi respublika komissiyasiga taqdim etiladi.