Tarmoqda Qibraydagi gaz quyish shoxobchalaridan birida yongʻin boʻlayotgani videosi tarqaldi.

FVV xabarida qayd etilishicha, 6-dekabr kuni soat 13:30 larda Toshkent viloyati Qibray tumanidagi avtomobillarga gaz quyish shoxobchalaridan birining hududida elektr kabellarida qisqa tutashuv sodir boʻlgan.

Bu haqda tuman FV boʻlimiga hech qanday xabar kelib tushmagan. Hodisa natijasida yongʻin sodir boʻlmagan.

Vaziyat tuman Elektr tarmoqlari xodimlari tomonidan bartaraf etilgan. Voqea joyiga tumani FV boʻlimi rahbari yetib borgan.

Hodisa oqibatida tan jarohati olgan va halok boʻlganlar yoʻq.