Oʻzbekistonda 5-dekabr kuni 120 kishida koronavirus aniqlandi. Bu haqda Sogʻliqni saqlash vazirligi matbuot xizmati xabar berdi.

Xabarga koʻra, yangi kasallanish holatlarining:

7 nafari Buxoro viloyatida,
5 nafari Jizzax viloyatida,
1 nafari Qashqadaryo viloyatida,
2 nafari Navoiy viloyatida,
3 nafari Namangan viloyatida,
4 nafari Samarqand viloyatida,
9 nafari Toshkent viloyatida,
89 nafari Toshkent shahrida koronavirusga chalingan bemorlar bilan muloqotda boʻlganligi sababli namuna olingan fuqarolar orasida qayd etildi.

Kunlik kasallanish koʻrsatkichi biroz kamayganini qayd etish kerak. Respublikada bundan bir kun avval 153 kishida, undan oldin esa 162 kishida koronavirus aniqlangandi.