Endi telefonda pul boʻlmaganida ham favqulodda tezkor xizmatlarni bepul chaqirish mumkin. Bu haqda Adliya vazirligi xabar berdi.

Telekommunikatsiya xizmatlarini koʻrsatish qoidalariga koʻra, abonentning shaxsiy hisob raqamida mablagʻlar boʻlmagan holda Oʻzbekiston hududida belgilangan yagona raqamlarni terish yordamida favqulodda tezkor xizmatlarni bepul va kecha-kunduz davomida chaqirish imkoniyati taʼminlanadi.

Maʼlumot uchun, fuqarolar bepul qoʻngʻiroq qilishi mumkin boʻlgan favqulodda tezkor xizmatlarga:

– yongʻin xavfsizligi xizmati (101);

– ichki ishlar organlari (102);

– tez tibbiy yordam (103);

– gaz tarmogʻining avariya xizmati (104);

– Favqulodda vaziyatlar vazirligining qutqaruv xizmati (1050) kiradi.