2022-yilning 29-noyabrdan 3-dekabriga qadar Olmaota shahrida “Bastau” talaba va debyut filmlarining X Xalqaro kinofestivali boʻlib oʻtmoqda.

Ushbu kinovestivalga birdaniga Oʻzbekistondan uchta film kiritilgan.

Tanlovning hujjatli filmlar boʻlimida Mixail Borodinning “100% paxta” filmi ishtirok etmoqda. Qisqa metrajli filmlar orasida Aliman Toktogulova va Umarjon Jumayevning “Yer” hamda Dilshodbek Usmonovning “Montaj” loyihalari bor.

Bundan tashqari, Pusan kinofestivalining 2022-yilgi asosiy mukofotlaridan biri sohibi, taniqli oʻzbek rejissyori Yelkin Toʻychiyev qisqa metrajli filmlar boʻlimi boʻyicha hakamlar hayʼatini boshqaradi.