Toshkent tibbiyot akademiyasi professori, tibbiyot fanlari doktori Omonturdi Mirtazayev 74 yoshida vafot etdi.

Qayd etilishicha, professor Omonturdi Mirtazayev Mirtazayevich koʻp yillar davomida sanitariya-epidemiologiya sohasining rivojlanishiga hissa qoʻshgan olimlardan biri boʻlgan.

Omonturdi Mirtazayev turli yillarda profilaktik tibbiyot sohasida faoliyat yuritib, koʻplab shogirdlar yetishtirgan. Oʻzbekistonning yetuk epidemiolog olimlaridan hisoblangan O.Mirtazayev rahbarligi ostida Oʻzbekistonda birinchi marotaba oʻzbek tilida “Epidemiologiyadan amaliy mashgʻulotlar uchun qoʻllanma” (2003), “Harbiy epidemiologiya” (2013), “Epidemiologiya” (2016),  “Epidemiologiya” (2017) darsliklar chop etildi.