Oʻzbekistonda 2022-yil 1-dekabrdan har bir yoʻl harakati qoidabuzarligi uchun alohida jarima ballari hisoblab borilishi toʻgʻrisida xabar berilgandi. Maʼlumotlarga koʻra, tizim avvaliga test rejimida ishga tushadi.

Ayni vaqtda ushbu tizim Oliy Majlis Qonunchilik palatasi mutaxassislari tomonidan boyitilmoqda. Shuningdek, qonun loyihasini takomillashtirishda ishchi guruh tuzish boʻyicha ishlar olib borilmoqda.

Qoidabuzrlik avtomatik ravishda dasturiy taʼminot orqali roʻyxatga olinadi. Tizim yangi boʻlgani sabab test rejimida yuzaga keladigan xatoliklar sekin-asta aniqlanib, bartaraf etiladi.

Test rejimi vaqtida hisoblangan barcha ballar hisobga olinmaydi. Tizim xato va kamchiliklar bartaraf etilganidan keyin toʻliq ishga tushiriladi. IIV YHXX tizimning ishga tushirilishi boʻyicha qoʻshimcha maʼlumot berib boradi.