2022-yil yanvar-oktabr oylarida yosh toifasida nikoh qurganlar soni toʻgʻrisida maʼlumot berildi.

Davlat statistika qoʻmitasi dastlabki maʼlumotlariga koʻra, 20 yoshgacha boʻlganlar orasida ayollar – 74 718 nafarni, erkaklar – 2 549 nafarni tashkil qilmoqda.

20-30 yoshgacha nikoh qurganlar sonida ayollar – 137 165 nafarga, erkaklar – 194 426 nafarga teng.

31-40 yoshgacha boʻlganlar orasida ayollar – 16 960 nafarni, erkaklar – 24 849 nafarni tashkil qilgan.

Shuningdek, 41-50 yoshgacha nikoh qurganlar soni ayollarda – 3 560 nafarga, erkaklar – 6 993 nafarga teng.

51 yosh va undan kattalar orasida nikoh qurganlar koʻrsatkichida esa ayollar – 1 156 nafarni, erkaklar – 4 742 nafarni tashkil etgan.