Toshkent va vodiy viloyatlarida 28-noyabr kuni zilzila qayd etildi, deya xabar bermoqda FVV Seysmoprognostik monitoring Respublika markazi.

Qayd etilishicha, Toshkent vaqti bilan 00:58 da (27.11.2022-yil, Grinvich boʻyicha 19:58 da) Xitoyda zilzila sodir boʻlgan. Zilzila koordinatalari: 39,94 gradus shimoliy kenglik; 74,52 gradus sharqiy uzunlik. Magnituda M=5,2. Chuqurlik 10 km. Zilzila epitsentri Toshkentdan 471 km janubi-sharqda.

Oʻzbekiston hududida sezilish kuchi:

Andijon viloyatida 3 ball, 206 km;
Fargʻona viloyatida 3 ball, 238 km;
Namangan viloyatida 2-3 ball, 268 km;
Toshkent viloyatida 2 ball, 454 km.