Oʻzbekiston Respublikasi Davlat bayrogʻining 31 yilligi munosabati bilan Oyina.uz portali tomonidan tashkil etilgan sovrinli viktorina gʻoliblari aniqlandi.

Xabaringiz bor, 17-noyabr kuni soat 20:00 dan 20:20 gacha Oyina.uz portalining telegram kanalida 31 ta savolli viktorina oʻtkazildi. 

Tanlov qoidalariga koʻra, har bir savolga 30 sekunddan vaqt berilib, soat 20:20 dan keyingi natijalar hisobga olinmasligi eʼlon qilingan.

Eng yaxshi natija qayd etgan ishtirokchilar bilan bogʻlanish muammolari ortidan viktorina gʻoliblarini eʼlon qilish bir muddat choʻzilgani bois barchadan uzr soʻraymiz.

Yakuniy natijalariga koʻra, quyidagi besh ishtirokchi gʻolib deb topildi:

1. Izzatxoʻja Asomiddinov (Toshkent viloyati);

2. Jahongir Qurbonov (Surxondaryo viloyati);

3. Shohijahon Urunov (Buxoro viloyati);

4. Shohsanam Yoʻldosheva (Qoraqalpogʻiston Respublikasi);

5. Ayubxon Valiyev (Farg‘ona viloyati).

Gʻoliblarni chin dildan tabriklaymiz! Ularning har biriga smartfon taqdim etilishini eslatib oʻtamiz.

Barchani Oyina.uz portali tanlovlarida faol qatnashishga chaqiramiz!