Oʻzbekistonda 19–20-noyabr kunlari kuzatiladigan ob-havo maʼlumoti eʼlon qilindi. Bu haqida “Oʻzgidromet” xabar berdi.

Maʼlum qilinishicha, 19-noyabr, shanba kuni respublikaning katta qismida yomgʻirli ob-havo saqlanib turadi, Qoraqalpogʻiston Respublikasi, Xorazm, Buxoro, Navoiy viloyatlarida yogʻingarchilik kutilmaydi. Kechasi va ertalab respublika boʻyicha baʼzi joylarga tuman tushishi sababli koʻrinuvchanlik yomonlashishi mumkin. Ayrim hududlarda shamol 15-20 metr/sekundgacha esishi davom etadi. Havo harorati kechasi 5-10 daraja iliq, kunduzi 10-15 daraja iliq boʻladi.

Shuningdek, 20-noyabr, yakshanba kuni respublika boʻyicha yogʻingarchilik kutilmaydi, kechasi va ertalab baʼzi joylarga tuman tushadi. Havo harorati kechasi 3-8 daraja iliqni, kunduzi 10-15 daraja iliqni tashkil etadi.

Respublikaning togʻli hududlarida qor koʻchishi xavfi bor.