Davlat statistika qoʻmitasi 2022-yilning yanvar–sentabr oylaridagi respublikaning mehnat koʻrsatkichlari haqida maʼlumot berdi.

Qayd etilishicha, shu davr mobaynida respublikadagi ishsizlar soni 1,3 mln kishini tashkil qilgan. Mehnat resurslari soni 19,5 million kishiga yetgan.

Yanvar–sentabr oylarida respublikaning mehnat koʻrsatkichlari statistik raqamlarda:

mehnat resurslari soni – 19,5 mln. kishi;

mehnat bilan band boʻlgan aholi soni – 13,8 mln. kishi;

bandlik darajasi – 68,0%;

ishsizlar soni – 1,3 million kishi;

ishsizlik darajasi – 8,6 foiz;

iqtisodiy faol boʻlmagan aholi soni – 4,3 million kishi.