Abdulla Qodiriyning “Oʻtkan kunlar” asosida yaratiladigan ilk milliy myuziklning taqdimoti boʻlib oʻtdi. Bu haqda Saida Mirziyoyeva telegram kanalida maʼlum qildi.

Qayd etilishicha, loyiha ustida ishlar shu oyda boshlanadi va premyera 2023-yilning avgustiga rejalashtirilgan.

“Umid qilamizki, romanda hikoya qilingan voqea, shuningdek, muallifning shaxsiy qissasi uni sahnalashtirishda ishtirok etgan barchani ilhomlantiradi va biz tomoshabinlar eʼtiborini hali koʻp mavsumlar davomida oʻziga tortadigan durdona asarni koʻramiz”, — deb yozadi Saida Mirziyoyeva.