Sobiq “Ummon” guruhi xonandasi Jasur Rafiqov vafot etdi. Bu haqda sobiq guruh xonandalaridan biri Shohrux Instagramʼdagi sahifasida maʼlum qildi.

Jasur Rafiqov saraton tufayli vafot etgan. Qayd etilishicha, sobiq xonanda uzoq vaqtdan beri ushbu dard bilan kurashib kelgan.

Qayd etish kerak, guruh xonandalaridan yana biri Zohid Risqiyev sentyabr oyi oxirlarida Yunusobod tumanida joylashgan Mega Planet savdo markazi yaqinida YTHga uchragandi. Ayni paytda u jonlantirish boʻlimida. Sunʼiy nafas olish apparatiga ulangan.

Maʼlumot uchun, “Ummon” guruhi 2019-yilda tarqalib ketgan edi.