Ayni kunlarda Oʻzbekiston qamoqxonalarida 26 mingdan ziyod mahkum saqlanmoqda.

Bu haqda Oliy Majlis Qonunchilik palatasi Mudofaa va xavfsizlik masalalari qoʻmitasining kengaytirilgan yigʻilishida aytib oʻtildi.

Unda taʼkidlanishicha, ayni paytda Oʻzbekistonda mavjud boʻlgan 54 ta jazoni ijro etish koloniyasidan 18 tasi yopiq turdagi, 25 tasi manzil koloniya va 11 tasi tergov hibsxonalaridir.

Jazoni ijro etish tizimida 26 mingdan ortiq, shundan 8 mingdan ortigʻi manzil koloniyada, 18 mingdan ortiq mahkumlar boshqa turdagi koloniyalarda jazo muddatini oʻtamoqda.