Vazirlar Mahkamasi binosida quvvati 630 kVt boʻlgan quyosh fotoelektr stansiyasi ishga tushirildi. Mazkur quyosh fotoelektr stansiyasi yiliga 1,1 mln kVt-soatdan ziyod elektr energiyasi ishlab chiqaradi.

Qayd etilishicha, stansiya Vazirlar Mahkamasi binosini kunduz kuni toʻliq elektr energiyasi bilan taʼminlaydi. Shu bilan birga, ehtiyojidan ortgan qismini hududiy elektr tarmoqlariga uzatish imkoniyati ham yaratilgan.

Stansiya prezidentimiz topshirigʻi ijrosi yuzasidan amalga oshirilgan. Energetika vazirligi ushbu tashabbusga barcha vazirlik va idoralar ham qoʻshilishlarini soʻramoqda.