Respublikada tabiiy gaz isteʼmoli ortishi munosabati bilan 2022-yil 9-noyabrdan eʼtiboran Oʻzbekistondagi barcha AGTKSHlar Energetika vazirligi hamda viloyatlar hokimliklari bilan tasdiqlangan jadvalga asosan maxsus ish tartibiga oʻtkaziladi.

Joriy etilayotgan choralar vaqtinchalik boʻlib, munosib shart-sharoit paydo boʻlishi bilan barcha AGTKSHlar odatdagi ish tartibiga qaytadi.

Tabiiy gaz toʻldirish shoxobchalarining ish vaqti 18:00 dan 6:00 gacha cheklanishi kutilmoqda. Bunda yopilish vaqti mahalliy hokimlik qarori bilan belgilanadi va hududlarga qarab farq qilishi mumkin.

Cheklovlar qachongacha amal qilishi haqida ma’lumot berilmagan.