Osiyo taraqqiyot bankining ipoteka bozori sektorini rivojlantirish dasturi doirasidagi mazkur kredit mablagʻi Oʻzbekiston ipoteka kreditlarini qayta moliyalash kompaniyasining ikkilamchi bozor uchun uy-joy ipotekasi, uy-joylarni obodonlashtirish va “yashil” moliyalashtirishga yoʻnaltiriladi.

OʻzAning yozishicha, Oʻzbekiston “yashil” renovatsiya kreditlaridan isitish va sovitish tizimlarini yangilash va oʻrnatish, quyosh panellarini oʻrnatish, suv izolyatsiyasini yaxshilash — energiya samaradorligini oshirish uchun foydalanishi mumkin.

Avvalroq Osiyo taraqqiyot banki Oʻzbekistonga oziq-ovqat xavfsizligini yaxshilash uchun 500 mln dollar, Orol dengizi suv resurslarini boshqarish uchun esa 150 mln dollar kredit ajratishi haqida xabar berilgandi.