Joriy yilning 10-11-noyabr kunlari Samarqandda Turkiy davlatlar tashkilotining birinchi sammiti oʻtkaziladi.

Sammitda Yeroosiyoning muhim strategik hududlarida joylashgan turkiy dunyo mamlakatlari rahbarlari ishtirok etishi koʻzda tutilgan, deb yozadi Prezident matbuot kotibi.

Oʻzbekiston tashkilotning muhim aʼzolaridan biri hisoblanadi. Shu paytga qadar davlatimiz rahbari tomonidan ilgari surilgan 30 dan ortiq tashabbusning aksariyati amaliyotga joriy etilgan.

TDT Samarqand sammiti aʼzo mamlakatlar oʻrtasidagi barcha yoʻnalishlardagi hamkorlikni yangi bosqichga koʻtaradi.

Tadbirda 5 ta aʼzo mamlakat — Oʻzbekiston, Turkiya, Ozarboyjon, Qozogʻiston, Qirgʻiziston hamda 2 ta kuzatuvchi — Turkmaniston va Vengriya mamlakatlari rahbariyati ishtirok etishi kutilmoqda.