Kinematografiya agentligi buyurtmasiga binoan “Hujjatli va xronikal filmlar kinostudiyasi” DUK tomonidan suratga olingan "Matonat" hujjatli filmi Artemis distribyutorlari assosiatsiyasi tomonidan Sloveniya davlatida bo‘lib o‘tgan kinofestivalda mukofotlandi.

Film ssenariysini Roziqa Mergenbayeva yozgan, rejissyor Shuhrat Mahmudov, prodyuser Firdavs Abduxoliqov, operatorlar Rifkat Ibragimov, Rustam Magadiyev, rassom Bektosh Rajabov, kompozitor Dmitriy Yanov-Yanovskiy.  

Mazkur film Kinematografiya agentligi va Samarqand viloyati hokimligi bilan hamkorlikda suratga olingan. Unda II jahon urushida qatnashgan 101 o‘zbekistonlik yurtdoshimizning urushda Gʻalabaga qo‘shgan hissasi hamda Gollandiyaning Amersfort shahrida joylashgan konslagerlarda halok bo‘lgan o‘zbek askarlarining taqdiri haqida hikoya qilinadi.