Navoiydagi “Maʼnaviyat karvoni”ning navbatdagi manzili viloyat Mudofaa vazirligiga qarashli harbiy qism boʻldi.

Mehmonlar harbiy qismda “Maʼrifat soati”da ishtirok etdi. Unda Respublika Maʼnaviyat va maʼrifat markazi ekspertlar kengashi aʼzosi Jamila Shermuhammedova nutq soʻzladi.

“Navoiy biz tashrif buyurgan oʻninchi viloyat boʻldi. Guruhimiz sanʼat va ilm ahlidan tashkil topgan.

Tadbirlarimizni “Kitoblar karvoni” bilan boshladik. Biz ishonamizki, harbiylarimiz “Temur tuzuklari”ni oʻqiydi. Biz bilan kelgan karvondan shu kabi kitoblar ham joy olgan”, – dedi professor Jamila Shermuhammedova.