Oʻzbekiston TIV rahbari Vladimir Norovning Qirgʻiziston tashqi ishlar vaziri Jeyenbek Kulubayev bilan uchrashuvi doirasida bir qator hujjatlar imzolandi, deya xabar bermoqda OʻzA.

Jumladan:

— Oʻzbekiston-Qirgʻiziston Davlat chegarasining ayrim uchastkalari toʻgʻrisidagi shartnoma;

— Andijon (Kampirobod) suv omborining suv resurslarini birgalikda boshqarish toʻgʻrisidagi bitim;

— Oʻzbekiston Suv xoʻjaligi vazirligi va Qirgʻiziston Qishloq xoʻjaligi vazirligi huzuridagi Suv resurslari xizmati oʻrtasida suv xoʻjaligi masalalari boʻyicha hamkorlik toʻgʻrisidagi bitim va boshqalar.

Shuningdek, uchrashuv chogʻida Prezident Shavkat Mirziyoyevning Qirgʻizistonga boʻladigan davlat tashrifiga tayyorgarlik koʻrish masalasi ham muhokama qilindi.