Iqtisodiy tadqiqotlar va islohotlar markazi 2022-yil sentabr oyida koʻchmas mulk bozoridagi vaziyatni tahlil qildi.

Roʻyxatga olingan koʻchmas mulk oldi-sotdi shartnomalari soni oʻtgan yilning shu davriga nisbatan 19 foizga (+3,7 ming) oshdi.

Joriy yilning avgust oyiga nisbatan koʻchmas mulk savdosining biroz pasayishi kuzatildi, bu asosan oʻquv yilining boshlanishi va chet el fuqarolari sonining sezilarli darajada koʻpayishi tufayli ijaraga beriladigan uy-joylarga talabning oshishi bilan bogʻliq.

Toshkent shahrida 1 kv.m uchun oʻrtacha ijara narxi yil boshidan buyon 22,4 foizga oshgan.

Yil boshidan beri ikkilamchi bozorda 1 kv.m uchun oʻrtacha uy-joy narxi 8,9 foizga oshgan.

Toshkent shahrida 9 oy davomida uy-joy savdosi esa oʻtgan yilning shu davriga nisbatan 6 foizga oʻsdi.