Oʻzbekistonning My Freighter yuk aviakompaniyasi birinchi Boeing-747 samolyotini xarid qildi.

Jumbo Jet nomi bilan tanilgan va 105 tonna sigʻimga ega Boeing-747 My Freighter kompaniyasining birinchi shaxsiy yuk samolyoti boʻlgani qayd etilmoqda.

2019-yilda tashkil etilgan aviakompaniya shu paytgacha Uzbekistan Airways kompaniyasidan ijaraga olingan samolyotlarda yuk reyslarini amalga oshirib kelgan.

Taʼkidlanishicha, yaqin kelajakda My Freighter yana beshta Boeing-747 yuk samolyotini sotib olishni, yaqin besh yil ichida esa parkni 20 ta yuk samolyotigacha yetkazishni rejalashtirgan.