Oʻzbekistonning 2022-yilning yanvar-sentabr oylaridagi iqtisodiy holati raqamlarda maʼlum qilindi.

Davlat statistika qoʻmitasi eʼlon qilgan maʼlumotlarda yalpi ichki mahsulot hajmining oʻsish surʼati 5,8 foizni tashkil etganini koʻrish mumkin.

Sanoat ishlab chiqarish fizik hajmi indeksi – 5,3 foiz, qurilish ishlari hajmining oʻsish surʼati esa 6,3 foizga teng.

Chakana savdo tovar aylanmasi oʻsish surʼati – 10,8 foiz, bozor xizmatlari hajmining oʻsish surʼati – 15,4 foiz. Qishloq, oʻrmon va baliqchilik xoʻjaligining oʻsish surʼati – 3,6 foiz, tashqi savdo aylanmasi oʻsish surʼati – 27,2 foiz.

Bundan tashqari, eksportning oʻsish surʼati – 35,7 foiz, importning oʻsish surʼati – 22,3 foiz, faoliyat koʻrsatayotgan korxona va tashkilotlar soni – 577 994 ta, transportda yuk tashishning oʻsish surʼati – 2,1 foiz, aholining umumiy daromadlari oʻsish surʼati – 10,7 foiz.