Navoiy viloyati prokuraturasi ijtimoiy tarmoqlarda tarqalayotgan “Navoiy shahar XTBga qarashli 11-AFCHOʻIM direktori 10-«G” sinf oʻquvchisini urdi, oʻquvchi esa hushini yoʻqotdi» sarlavhali xabar yuzasidan rasmiy maʼlumot berdi.

Aniqlanishicha, fuqaro X.J. Navoiy shahar IIBga murojaat qilib, 2006-yilda tugʻilgan voyaga yetmagan qizi Gʻ.N.ni Navoiy shahar 11-sonli davlat ixtisoslashtirilgan umumtaʼlim maktabi direktori J.G. urib tan-jarohati yetkazganligi yuzasidan murojaat qilgan.

Mazkur holat yuzasidan Navoiy shahar IIB tomonidan tergovga qadar tekshiruv harakatlari olib borilayotgan boʻlib, sud-tibbiyot ekspertizasi tayinlangan.

“Tekshirish harakatlari Navoiy viloyati prokuraturasi tomonidan nazoratga olindi”, – deyiladi prokuratura maʼlumotida.