Qirgʻiziston 2023–2025-yillarga moʻljallangan Birlashgan Millatlar Tashkiloti Inson huquqlari kengashiga aʼzolik uchun saylovlarda gʻalaba qozondi. 

Bungacha Qirgʻiziston ikki marta BMT Inson huquqlari kengashi aʼzosi boʻlgan: 2009–2012 va 2016–2018-yillarda.

Inson huquqlari boʻyicha kengash BMT tizimining hukumatlararo organi boʻlib, u butun dunyoda inson huquqlarini himoya qilish uchun masʼul 47 davlatdan iborat. Kengash vakolatiga inson huquqlari sohasidagi barcha masalalar va vaziyatlarni muhokama qilish kiradi.

Inson huquqlari boʻyicha kengash yigʻilishlari BMTning Jenevadagi ofisida boʻlib oʻtadi.