Fransiya poytaxti Parij shahrida oʻtayotgan dzyudo boʻyicha harbiylar oʻrtasidagi jahon chempionati boʻlib oʻtmoqda. Bu haqda MOQ axborot xizmati xabar berdi.

Tokio-2020 sovrindori Davlat Bobonov Oʻzbekiston delegatsiyasi hisobiga navbatdagi oltin medalni taqdim qildi.

-90 kg vazn toifasidagi bellashuvlarda ishtirok etgan Oʻzbekistonning Davlat Bobonov final bahsida braziliyalik Godoy De Machedoni magʻlubiyatga uchratdi. Maʼlumot uchun, Davlat Bobonov finalga qadar Avstriya, Rossiya va Slovakiya dzyudochilaridan ustun kelgan.

Avvalroq, Davlat Bobonov -90 kg vazn toifasida dunyo reytingida 1-oʻringa koʻtarilib olgani haqida xabar bergan edik.