Davlat statistika qoʻmitasi dastlabki maʼlumotlariga koʻra, 2022-yilning yanvar–sentabr oylarida Oʻzbekiston qiymati qariyb 760,2 million dollarga teng boʻlgan 1,2 million tonna meva va sabzavotlar eksport qildi.

Qayd etilishicha, bu koʻrsatkich 2021-yilning mos davri bilan solishtirilganda 169 ming tonnaga oshgan. 2022-yilning 9 oyida eksport qilingan meva va sabzavotlar hajmi:

• meva va rezavorlar – 257 ming tonna;
• quritilgan meva va rezavorlar – 30,2 ming tonna;
• sabzavotlar – 657 ming tonna;
• piyoz – 171 ming tonna;
• karam – 131 ming tonna;
• pomidor – 60 ming tonna;
• uzum – 126 ming tonna;
• mayiz – 53,4 ming tonna;
• yeryongʻoq – 13,4 ming tonna;
• tarvuz-qovun – 129,2 ming tonna.