Oʻzbekistonning Ukrainadagi elchixonasi shaxsiy xavfsizlik nuqtayi nazaridan oʻzbekistonliklarni ushbu mamlakatni tark etishga chaqirdi.

«Ukraina shaharlariga raketa hujumlarining kuchayishi ortidan Oʻzbekiston Respublikasi fuqarolarining Ukrainaga kelish va ushbu davlatda boʻlish yuzasidan qilgan murojaatlariga javoban, elchixona yana bir bor vatandoshlarimizni, ziddiyat oʻz iziga tushguniga qadar, Ukrainaga sayohat qilishdan cheklanishga chaqiradi.

Bundan tashqari, frontdagi vaziyatning keskinlashuvi hamda butun Ukraina boʻylab raketa va artilleriya zarbalarining davom etishi ehtimoli yuqoriligidan kelib chiqib, vatandoshlarimizdan shaxsiy xavfsizlik nuqtayi nazaridan ushbu mamlakatni tark etishlarini soʻraymiz», – deyiladi Elchixona xabarida.