2022-yil 6-oktabr soat 09:00 dan 7-oktabr soat 09:00 gacha “Qozigʻurt” (Qozogʻiston) va unga tutash Toshkent viloyati Qibray tumanida joylashgan “S.Najimov” (Oʻzbekiston) oʻtkazish punkti fuqarolar va avtotransport vositalarining oʻtishi uchun yopiladi.

Oʻzbekiston Davlat bojxona qoʻmitasiga koʻra, oʻtkazish punktida “Oʻztransgaz” aksiyadorlik jamiyati tomonidan har ikki davlatning nazorat-oʻtkazish punktlari oʻrtasidan oʻtuvchi gaz quvurlarini gidravlik sinovdan oʻtkazish ishlari amalga oshiriladi.

Qozogʻiston—Oʻzbekiston chegarasidagi boshqa nazorat-oʻtkazish punktlari odatdagidek ishlashda davom etishi qoʻshimcha qilingan.