Budapesht shahrida Vengriya Parlamentining binosi roʻparasidagi Layosh Koshut nomidagi maydonda 4-oktyabr, seshanba kuni rasmiy tashrif bilan ushbu mamlakatda boʻlib turgan Oʻzbekiston Prezidenti Shavkat Mirziyoyevni rasmiy kutib olish marosimi boʻldi. Bu haqida Prezident matbuot xizmati xabar berdi.

Фото: Президент матбуот хизмати

Maydonda oliy martabali mehmon sharafiga piyoda va otliq askarlardan iborat faxriy qorovul saf tortdi. Harbiy orkestr ikki mamlakat davlat madhiyalarini ijro etdi.

Prezident Shavkat Mirziyoyev va Vengriya Prezidenti Katalin Novak rasmiy delegatsiyalar aʼzolarini qutladi.

Marosim yakunida faxriy qorovul tantanali ravishda saf tortib oʻtdi.