Айни пайтда Самарқанддаги Конгресс марказида ШҲТ кузатувчи давлатлар раҳбарлари ва фахрий меҳмонлари иштирокида саммитнинг кенгайтирилган мажлиси бўлиб ўтмоқда.

Унда Ўзбекистон Президенти Шавкат Мирзиёев ШҲТ доирасида Университет ректорлари форуми, Маданият ва туризм кунлари, қўшма спорт тадбирлари, Универсиада ўйинлари каби қўшимча форматларни йўлга қўйиш ташаббуси билан чиқди.

Шунингдек, Шавкат Мирзиёев ШҲТ Иқлим кенгашини тузишни таклиф қилди.

«Биз ўз таркибида сиёсатчиларимиз, жамоат арбоблари, олимлар ва эксперт-экологлар, бизнес вакилларимизни бирлаштира оладиган ШҲТ Иқлим кенгашини тузишни таклиф қиламиз», – деди Ўзбекистон Президенти.