Самарқандда Шанхай ҳамкорлик ташкилотига аъзо давлатлар Миллий координаторлари кенгаши йиғилишида халқаро иқтисодиётни ривожлантиришда муҳим аҳамиятга эга бўлган яна бир баёнот келишиб олинди. Бу ҳақида Ташқи ишлар вазирлиги расмий вакили Юсуф Қобулжонов маълум қилди.

Қайд этилишича, баёнотда таъминот занжирлари хавфсизли ва барқарорлигига, кўп томонлама савдо тизими ва Ташкилот аъзоларининг иқтисодиётига таъсир этувчи салбий омиллар кўрсатиб ўтилган. Шунингдек, таъминот занжирларининг узлуксизлиги, ишончлилиги ва барқарорлигини таъминлаш, ишлаб чиқариш жараёнининг муҳим таркибий қисмлари, биринчи эҳтиёж товарлари ва бошқа товарларнинг узлуксиз савдосини таъминлашга интилиш амалиёти тасдиқланди.