2020 йил якунларига кўра республика бўйича атмосфера ҳавосини ифлослантирувчи статсионар манбалардан атмосферага чиқарилган ифлослантирувчи моддалар миқдори 924,4 минг тоннани ташкил этди, деб хабар бермоқда Давлат статистика қўмитаси матбуот хизмати.

Ҳудудлар кесимида ушбу кўрсаткич таҳлил қилинганда, энг юқори улуш Тошкент вилояти– 46,5 %  ва Қашқадарё вилояти – 13,9 %  ҳиссасига тўғри келган.

Энг кам кўрсаткич Жиззах вилояти – 0,4 %, Сурхондарё вилояти – 0,7 % ҳамда Хоразм вилояти – 0,7 % да кузатилган.