Ўзбекистон Республикаси Президенти Шавкат Мирзиёев Тошкент шаҳрида ўтаётган жаҳон мамлакатлари парламентлари аёл раҳбарларининг саммити доирасида мамлакатимизда бўлиб турган Туркманистон Миллий Кенгаши Мажлиси Раиси Гулшат Маммедовани қабул қилди. Бу ҳақида Президент матбуот котиби Шерзод Асадов хабар қилди.

Давлатимиз раҳбари Ўзбекистон билан Туркманистон ўртасидаги мустаҳкам дўстлик ва яхши қўшничилик, ишонч ва стратегик шерикликка асосланган муносабатларнинг бугунги юксак даражасини мамнуният билан қайд этди.