2021/2022 ўқув йили бошига Ўзбекистонда жами олий таълим ташкилотлари 808,4 минг нафар талаба таҳсил олган. Бу ҳақида Давлат статистика қўмитаси маълум қилмоқда.

Шундан давлат гранти бўйича ўқиётганлар 120 минг нафарни (жамига нисбатан 14,8 фоиз) ташкил этади.

Ушбу кўрсаткичлар 2020/2021 ўқув йилига нисбатан таққосланганда давлат гранти бўйича ўқиётганлар сони 23 минг нафарга (23,5 фоизга) ортгани кузатилади.  

Маълумот учун, 2022/2023 ўқув йили учун ҳам 190 мингдан зиёд абитуриент талабаликка тавсия этилди.

Шундан:

• 39 962 нафари — давлат гранти;
•  
• 150 413 нафари — тўлов-контракт асосида талабаликка тавсия этилган.