Ўзбекистон Президенти Администрацияси раҳбари Сардор Умурзоқов йил якунига қадар ихчам, профессионал, адолатли, натижага ишлайдиган бошқарув тизимини жорий қилиш бўйича маъмурий ислоҳотларни якунига етказиши шарт. Президент Шавкат Мирзиёев Умрзоқовга махсус топшириқ берди.

«Бугун муҳокама қилинган масалалар ислоҳотларимизнинг натижадорлигини ошириш учун муҳим омил ҳисобланади», дейди Президент.

Шунингдек, йиғилишда ташкил қилинган Назорат инспекцияси фаолиятини йўлга қўйиб, Президент қарорлари ва топшириқлари ижросини қатъий таъминлаш вазифаси қўйилди.