Жанубий Корея ички ишлар ходимаси мамлакатда ишлаётган ўзбекистонликлар товламачиларга алданиб қолмасликлари учун ўзбек тилида мурожаат йўллади.

Унда айтилишича, ижтимоий тармоқлар орқали «Жанубий Кореяда ноқонуний истиқомат қилаётган мигрантларга қонуний виза берилиши» ҳақида норасмий хабарлар тарқалган. Видеомурожаатда ушбу хабар ёлғонлиги, шунингдек айрим мигрантлар маълум ҳақ эвазига «виза олиб берувчи» фирибгарларга алданиб қолаётгани маълум қилинган. 

Ички ишлар ходимаси мигрантларни бу каби фейк хабарларга ишониб, фирибгарларга алданиб қолишдан огоҳлантирган.