Андижон вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – вилоят иқтисодий тараққиёт ва камбағалликни қисқартириш бош бошқармаси бошлиғи лавозимига Дилшадбек Абдумаликович Каримов тайинланди. Бу ҳақида ҳокимлик Матбуот хизмати хабар берди.

Дилшодбек Каримов тайинловга қадар Ўзбекистон Республикаси Иқтисодий тараққиёт ва камбағалликни қисқартириш вазирлиги Ҳудудларни комплекс ривожлантириш департаменти директори ўринбосари лавозимида ишлаган.

Шунингдек, Жиззах вилояти ҳокимнинг ёшлар сиёсати, ижтимоий ривожлантириш ва маънавий-маърифий масалалар бўйича ўринбосари лавозимига Акмал Абдумўминович Савурбаев тайинланди.

Бунга қадар Абдумуминович Савурбаев Ахборот технологиялари ва коммуникацияларини ривожлантириш вазирлиги департамент бошлиғи лавозимида фаолият юритган.