Жорий йилнинг 27 июль санасида Самарқанд вилоятида танловнинг вилоят ҳудудий босқичи бўлиб ўтди. Танлов Республика Маънавият ва маърифат маркази вилоят бўлими, Ёшлар ишлари агентлиги вилоят бошқармаси каби бир қатор мутасадди ташкилотлар ҳамкорлигида ўтказилди.

Танлов шартларига кўра, ёшлар етакчилари «Ёшлар сиёсати билимдони», «Самарали фаолият», «Инновацион ижтимоий лойиҳа» ҳамда «Иқтидор ва истеъдод» йўналишлари бўйича беллашди.

Натижалар эса қуйидагича, 1-ўринни Каттақўрғон шаҳар «Каттақўрғон» маҳалласи ёшлар етакчиси Рахматов Меҳриддин, 2-ўринни Тойлоқ туман «Олмазор» маҳалласи ёшлар етакчиси Тўраев Мададхон ҳамда 3-ўринни Жомбой туман «Шодлик» маҳалласи ёшлар етакчиси Ғаффорова Наргизалар эгаллади.

Ғолиблар диплом ҳамда қимматбаҳо совғалар билан тақдирланди.