Сенатнинг Ёшлар, маданият ва спорт масалалари қўмитаси аъзолари Ғафур Ғулом номидаги маданият ва истироҳат боғида олиб борилаётган ишларни жойига чиқиб ўрганди. Маълум қилинишича, боғ 1 сентябрдан фаолиятини бошлайди.

Ўрганиш натижаларига кўра, бугунги кунда BMP Smart Decision Private Limited хорижий компанияси томонидан боғ ҳудудида реконструкция қилиш, бино иншоотларини қуриш ва хориждан олиб келинган аттракционлар ҳамда ўйин қурилмаларини ўрнатиш ишлари олиб борилмоқда ва шу мақсадда 71 миллиард сўм маблағ сарфланган.

Ғафур Ғулом номидаги маданият ва истироҳат боғи 2022 йилнинг 1 сентябридан ишлай бошлайди. Боғ ҳудудида олиб борилаётган ишлар Сенатнинг Ёшлар, маданият ва спорт масалалари қўмитасининг доимий назоратида бўлиб турибди.