Қонунчиликка мувофиқ қуйидаги ногиронлар ва кексалар тоифасига бепул санатория-курорт йўлланмалари тақдим этилади: 

уруш ногиронларига ва қатнашчиларига тенглаштирилган шахслар;

ҳалок бўлган ҳарбий хизматчиларнинг бева хотинлари (бева эрлари);

республика аҳамиятига молик шахсий пенсия олувчи шахслар;

Чернобиль ҳалокати сабабли ногирон бўлиб қолган шахслар;

ядро полигонларида ҳарбий хизматни ўтаган шахслар;

I ва II гуруҳ ногиронлари, кўзи ожиз I-гуруҳ ногиронини кузатиб борувчи шахс;

ёлғиз кексалар;

пенсионерлар.

Йўлланма олиш учун қуйидаги ҳужжатлар Тиббий-ижтимоий хизматлар агентлиги ҳудудий бўлинмаларига топширилиши лозим:

ариза;

паспорт нусхаси;

юқоридаги фуқароларнинг имтиёздан фойдаланиш ҳуқуқини берувчи ҳужжатлар (ногиронликни тасдиқловчи, пенсионерлар учун гувоҳнома ва б.);

тиббий хулоса.

Йўлланмаларни бериш даврийлиги қуйидагича. 

ҳар йили (навбат асосида): 

уруш ногиронларига тенглаштирилган шахсларга; 

республика аҳамиятига молик шахсий пенсия олувчи шахсларга; 

Чернобиль АЭС ҳалокати оқибатида нурланиш касаллигига чалинган ва уни бошидан кечирган шахслар, шунингдек Чернобиль ҳалокати сабабли ногирон бўлиб қолган шахсларга; 

ядро полигонлари ва бошқа радиация-ядро объектларида ҳарбий хизматни ўтаган

шахсларга;

ёлғиз кексаларга; 

2 йилда 1 маротаба (навбат асосида):

уруш қатнашчиларига тенглаштирилган шахсларга; 

ҳалок бўлган ҳарбий хизматчиларнинг бева хотинларига (бева эрларига); 

I ва II гуруҳ ногиронлари, кўзи ожиз I гуруҳ ногиронини кузатиб борувчи шахсга; 

санаторийларда бўш ўрин мавжуд бўлган тақдирда 3 йилда 1 маротаба (навбат асосида) — пенсионерларга.

Йўлланмалар 12 кунга, йўлланмаларнинг амал қилиш муддати бошланишидан камида 10 кун олдин берилади.