Олий Мажлис Қонунчилик палатасидаги «Ҳукумат соатида» Адлия вазири Русланбек Давлетов Молия вазирлиги билан биргаликда ёшга доир пенсияни мурожаатсиз тайинлаш тизими яратилаётганини маълум қилди.



Яъни фуқаро узоқ йил меҳнат қилиб, пенсия ёшига етганда давлат автоматик унга пенсия тайинлаши керак. Фуқаронинг ўзи ариза бериб, бир дунё ҳужжат тўплаб, ҳақлигини исботлайман, деб сарсон бўлиб юрмаслиги керак.



«Ҳар қандай ноаниқликлар пенсия олувчининг фойдасига талқин қилиниши керак», деди вазир.



Ушбу тизим тахминан бир йил ичида ишга тушади.



Шунингдек, Русланбек Давлетов ўз нутқида никоҳни қайд этиш ваколатини нафақат ФҲДЁ, балки нотариусларга ҳам бериш режалаштирилаётганини маълум қилди.