Олий ва ўрта махсус таълим вазирлигининг марказий аппарати тузилмасида:

олий ва ўрта махсус таълим вазирининг профессионал таълимни ривожлантириш масалалари бўйича ўринбосари лавозими киритилди;

Профессионал таълим-ўқув методик мувофиқлаштириш бош бошқармаси негизида Профессионал таълим муассасалари фаолиятини мувофиқлаштириш департаменти ташкил этилди.

Профессионал таълимни ривожлантириш масалалари бўйича вазир ўринбосари бир вақтнинг ўзида Профессионал таълим муассасалари фаолиятини мувофиқлаштириш департаменти директори ҳисобланади.

Вазир ўринбосари:

профессионал таълим муассасалари фаолиятига раҳбарлик қилади;

профессионал таълим муассасаларида мутахассислар тайёрлаш сифатини таъминлайди;

профессионал таълим муассасаларида меҳнат бозорида талаб юқори бўлган мутахассисларни тайёрлаш бўйича ишларни ташкил этади.

Янги департамент вазирликнинг амалдаги штат бирликлари доирасида ва тасарруфида тугатилаётган профессионал таълим муассасалари мавжуд бўлган айрим вазирлик ва давлат қўмиталарининг 16 нафар штат бирликларини мақбуллаштириш ҳисобига шакллантирилади.