Миромил Адилжанович Саидов Ўзбекистон Республикаси Энергетика вазирлигининг Электр тармоқлари бошқармаси бошлиғи этиб тайинланди.

Саидов 1987 йил 22 апрелда таваллуд топган. Оилали, 3 нафар фарзанди бор. Маълумоти – олий. 2009 йилда Тошкент давлат техника университети (кундузги), 2011 йилда Тошкент давлат техника университети (магистратура), 2019 йилда Ўзбекистон Республикаси Президенти ҳузуридаги Давлат бошқаруви академияси (магистратура) йўналишларини тамомлаган.

Миромил Саидов бунга қадар Энергетика вазирлигининг Электр тармоқлари бошқармаси бош мутахассиси лавозимида фаолият юритиб келаётган эди.