10-18 июль кунлари Арманистонда ўтказилган 33-Халқаро биология олимпиадасида Тошкент педиатрия тиббиёт институти академик лицейи ўқувчиси Азиза Абдувалиева бронза медалини қўлга киритди.



Белгиланган тартибга кўра, бронза медали соҳиблари олий таълим муассасасига тест синовларисиз, давлат гранти асосида қабул қилинади.



Бронза медали учун ўқувчилар 60 миллион сўм, унинг ўқитувчилари эса 45 миллион сўм пул мукофоти билан тақдирланади.



Аввалроқ Норвегиянинг Осло шаҳрида ўтказилган 63-Халқаро математика олимпиадасида Қоракўл Халқаро математика мактаби ўқувчиси Лазизбек Ражаббоев бронза медалини қўлга киритгани ҳақида хабар қилинганди.